احتجبتي عن عيوني وانتي اللي تعرفين
إن عيني ما تجاوب غير حسنك في النظر
.
.
كيف أنا أقوى ظلامي يا حياتي والحنين
ابتعادك ما نصفني ولا تصاريف القدر
.
.
احتريها ذكرياتك واختزل منها الأنين
يوم كنتي يا حبيبة استقي منك الشعر
.
.
نرسم الفرحة غناوي وابتهاجات وزفين
والنسايم تحتفينا مع ترانيم الزهر
.
.
لو صحينا في الحقيقة ما نبارح حالمين
نحتفي بالغنيم وإحنا في الأ صل حب المطر
.
.
كم تلاقينا بلهفة والقمر فوق الجبين
يضوي أوقات السعادة والحزاوي والسمر
.
.
كيف نتبادل حكينا همسة تخفى وتبين
مع تعابير النواظر نقضي اللحظة دهر
.
.
نختلف وقت المواعد أصلك أو تبتدين
الوله يحكم علينا لو نفارق نختصر
.
.
نرجع وترجع معانا فرحة تحلى وتزين
كل بسمة تحتضنا نبتدي فيها السفر
.
.
وبين لمحة والتفاتة شفتك إنتي ترحلين
شفت دمعة من عيونك ترتجي مني العذر
.
.
لاتشاكي ولا تنادي ولا تعاندها السنين
الصبر يبقى حقيقة والرحابة في الصبر
.
.
بس أنا صدق ارتجيك واحتريك ترتجين
انتظر منك إشارة أو زيارة في حذر
.
.
واثق بصدق المشاعر وادري إنك تذكرين
وادري إنك بالمفارق ما تعدين الشهر
.
.
قربي حبل المودة وابتديها توصلين
خطوة العاشق قريبة بيننا تبقى جسر
.
.
لالأمل نحيى الأماني نبعد الوقت الحزين
نشعل الأفراح شمعة تضوي دروب البشر
.
.